РПЦ впервые провела всероссийский молебен о «вразумлении имеющих намерение» сделать аборт

11 января по всей России впервые провели молебны о «вразумлении имеющих намерение» сделать аборт. Текст молебна в конце 2025 года утвердил Священный синод Русской православной церкви. Однако в каждом храме к нему могли добавить что-то свое: где-то раздавали листовки и флаги пролайф-движения, где-то демонстрировали куклы эмбрионов, а где-то вспоминали безбожника Владимира Ленина, который «разрешил аборты», потому что ненавидел русский народ.

11 января в православной церкви — день памяти 14 000 младенцев-мучеников, «от Ирода в Вифлееме избиенных». По решению Священного Синода РПЦ в этот день по всей России впервые отслужили молебен о «вразумлении имеющих намерение совершить убиение младенца во утробе».

Текст молебна утвердили на заседании Синода 26 декабря 2025 года, он опубликован на сайте Московской епархии. В нем, в частности, есть такие слова:

«Миром Господу помолимся.

<…>

О еже вразумитися братиям и сестрам нашим греховным помыслом детоубийства обуреваемым, и о еже избавитися им от безрассуднаго сего омрачения и в покаяние и разум истины приити, Господу помолимся.

О еже страхом Своим оградити отцы и матери, сродники их и вся окрест их сущия, малодушием, корыстолюбием и неведением искушаемыя, Господу помолимся.

О еже разумети им волю Господню, благую и всесовершенную, и к да не презрят единаго от малых сих, младенец родится имущих, Господу помолимся».

ЧИН МОЛЕБНАГО ПЕНИЯ О ВРАЗУМЛЕНИИ ИМУЩИХ НАМЕРЕНИЕ ПОГУБИТИ МЛАДЕНЦА ВО ЧРЕВЕ. Полный текстЧин сей поем месяца декабря в 29 день, в память святых мученик младенец Вифлеемских от Ирода избиенных, или во ин день, воньже настоятель изволит

Диа́кон: Благослови́, влады́ко.

Свяще́нник: Благослове́н Бог наш, всегда́, ны́не и при́сно, и во ве́ки веко́в.

Лик: Ами́нь.

Диа́кон: Сла́ва Тебе́, Бо́же наш, сла́ва Тебе́.

И вси людие: Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Чтец: Святы́й Бо́же, Святы́й Кре́пкий, Святы́й Безсме́ртный, поми́луй нас. (Три́жды).

Сла́ва, и ны́не:

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Три́жды.)

Сла́ва, и ны́не: О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Свяще́нник: Я́ко Твое́ есть ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец: Ами́нь. Го́споди, поми́луй. (12 раз.)

Сла́ва, и ны́не:

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 138

Господи, искусил мя еси и познал мя еси: ты познал еси седание мое и востание мое. Ты разумел еси помышления моя издалеча: стезю мою и уже мое Ты еси изследовал и вся пути моя провидел еси. Яко несть льсти в языце моем: се, Господи, Ты познал еси вся последняя и древняя: Ты создал еси мя и положил еси на мне руку Твою. Удивися разум Твой от мене, утвердися, не возмогу к нему. Камо пойду от Духа Твоего? И от лица Твоего камо бежу? Аще взыду на небо, Ты тамо еси: аще сниду во ад, тамо еси. Аще возму криле мои рано и вселюся в последних моря, и тамо бо рука Твоя наставит мя, и удержит мя десница Твоя. И рех: еда тьма поперет мя? И нощь просвещение в сладости моей. Яко тьма не помрачится от Тебе, и нощь яко день просветится: яко тьма ея, тако и свет ея. Яко Ты создал еси утробы моя, восприял мя еси из чрева матере моея. Исповемся Тебе, яко страшно удивился еси: чудна дела Твоя, и душа моя знает зело. Не утаися кость моя от Тебе, юже сотворил еси в тайне, и состав мой в преисподних земли. Несоделанное мое видесте очи Твои, и в книзе Твоей вси напишутся: во днех созиждутся, и никтоже в них. Мне же зело честни быша друзи Твои, Боже, зело утвердишася владычествия их: изочту их, и паче песка умножатся: востах, и еще есмь с Тобою. Аще избиеши грешники, Боже: мужие кровей, уклонитеся от мене. Яко ревниви есте в помышлениих, приимут в суету грады Твоя. Не ненавидящыя ли Тя, Господи, возненавидех, и о вразех Твоих истаях? Совершенною ненавистию возненавидех я: во враги быша ми. Искуси мя, Боже, и увеждь сердце мое: истяжи мя и разумей стези моя: и виждь, аще путь беззакония во мне, и настави мя на путь вечен.

Слава, и ныне: Аллилу́иа, аллилу́иа, аллилу́иа, сла́ва Тебе́, Бо́же. (Три́жды.)

Ектения́ вели́кая:

Ми́ром Го́споду помо́лимся.

На каждое прошение лик: Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

О святе́м хра́ме сем, и с ве́рою, благогове́нием и стра́хом Бо́жиим входя́щих вонь, Го́споду помо́лимся.

О вели́ком господи́не и отце́ на́шем Святе́йшем Патриа́рхе Кири́лле, и о господи́не на́шем высокопреосвяще́ннейшем митрополи́те (или́: архиепи́скопе, или́: преосвяще́ннейшем епи́скопе имяре́к), честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

О богохрани́мей стране́ на́шей, власте́х и во́инстве ея́, Го́споду помо́лимся.

О гра́де сем (или́: о ве́си сей, или́: о святе́й оби́тели сей), вся́ком гра́де, стране́ и ве́рою живу́щих в них, Го́споду помо́лимся.

О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

О пла́вающих, путеше́ствующих, неду́гующих, стра́ждущих, плене́нных, и о спасе́нии их, Го́споду помо́лимся.

Прилага́ет и сия́:

О еже вразумитися братиям и сестрам нашим греховным помыслом детоубийства обуреваемым, и о еже избавитися им от безрассуднаго сего омрачения и в покаяние и разум истины приити, Господу помолимся.

О еже страхом Своим оградити отцы и матери, сродники их и вся окрест их сущия, малодушием, корыстолюбием и неведением искушаемыя, Господу помолимся.

О еже разумети им волю Господню, благую и всесовершенную, и к да не презрят единаго от малых сих, младенец родитися имущих, Господу помолимся.

О еже дароватися им же и нам благому намерению друг друга тяготы носити и тако исполнити закон Христов, Господу помолимся.

О избáвитися и́м же и нaм от вся́кия ско́рби, гне́ва и нýжды, Го́споду помо́лимся.

Заступи́, спаси́, поми́луй и сохрани́ нaс, Бо́же, Твоéю благодáтию.

Пресвятýю, Пречи́cтую, Преблагословéнную, слáвную Влады́чицу нáшу Богоро́дицу и Присноде́ву Мари́ю со все́ми святы́ми помянýвше, сáми себе́ и дрyг дрýга, и вeсь живо́т нaш Христу́ Бо́гу предади́м.

Лик: Тебе́, Го́споди.

Свяще́нник возглашáет:

Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

И а́бие диа́кон глаго́лет:

Бог Госпо́дь, и яви́ся нам, благослове́н Гряды́й во И́мя Госпо́дне.

Стих 1: Испове́дайтеся Го́сподеви, я́ко Благ, я́ко в век ми́лость Его́.

Стих 2: Обыше́дше, обыдо́ша мя, и И́менем Госпо́дним противля́хся им.

Стих 3: Не умру́, но жив бу́ду, и пове́м дела́ Госпо́дня.

Стих 4: Ка́мень, его́же небрего́ша зи́ждущии, сей бысть во главу́ у́гла: от Го́спода бысть сей, и есть ди́вен во очесе́х на́ших.

Лик: Бог Госпо́дь: во глас 2, к коему́ждо стиху́.

Та́же тропáрь, глaс 2:

По образу Твоему сотворивый человеки/ и повелевый им множитися на земли,/ призри на люди Твоя/ и, в вере, надежде и любви сия уцеломудри,/ от греха чадогубительнаго удержи/ и к хранению заповедей Твоих приведи,/ во еже пети Тя и славити непрестанно,// едине Человеколюбче.

Слава, глас тойже:

Молитвами святых младенец Вифлеемских,/ беззаконным повелением от Ирода убиенных,/ избави землю нашу от безумнаго младенец во чреве убиения,/ и подаждь нам, Спасе,// грехов оставление и велию милость.

Аще попразднство Рождества Христова, И ныне, тропарь праздника, глас 4:

Рождество Твое Христе Боже наш,/ возсия мирови свет разума:/ в нем бо звездам служащии,/ звездою учахуся,/ Тебе кланятися Солнцу правды,/ и Тебе ведети с высоты Востока:// Господи, слава Тебе.

Аще же ни, И ныне, Богородичен, глас 2:

Егда ко Елисавети пришла еси, Мати Безневестная,/ тогда Предтеча радостию взыграся во чреве ея/ и поклонися Богу в Тебе всельшемуся,/ сего ради, Милостивая,/ сохрани младенцы чревоносимыя от всякаго зла,/ да похвальная зовем Ти:// благословенна Ты в женах еси, Всенепорочная Владычице.

Диа́кон: Во́нмем.

Свяще́нник: Мир всем.

Лик: И ду́хови твоему́.

Диакон: Прему́дрость, во́нмем.

Чтец: Прокимен, пс. 118, глас 4: Вразуми мя, и научуся заповедем Твоим.

Стих: Руце Твои сотвористе мя и создасте мя.

Диа́кон: Прему́дрость.

Чтец: К Тимофею послания святаго апостола Павла чтение.

Диа́кон: Во́нмем.

Апостол к Тимофею, зач. 281-282 (1 Тим. 2, 1-4. 8-15)

Ча́до Тимофе́е, молю́ пре́жде всех твори́ти моли́твы, моле́ния, проше́ния, благодаре́ния за вся челове́ки, за царя́ и за вся, и́же во вла́сти суть, да ти́хое и безмо́лвное житие́ поживе́м во вся́ком благоче́стии и чистоте́. Сие́ бо добро́ и прия́тно пред Спаси́телем на́шим Бо́гом, И́же всем челове́ком хо́щет спасти́ся и в ра́зум и́стины приити́. Еди́н бо есть Бог, и еди́н хода́тай Бо́га и челове́ков, челове́к Христо́с Иису́с, да́вый Себе́ избавле́ние за всех.

Хощу́ у́бо, да моли́твы творя́т му́жие на вся́ком ме́сте, возде́юще преподо́бныя ру́ки без гне́ва и размышле́ния. Та́кожде и жены́ во украше́нии ле́потном, со стыде́нием и целому́дрием да украша́ют себе́ не в плете́ниих, ни зла́том, или́ би́сером, или́ ри́зами многоце́нными, но е́же подоба́ет жена́м обещава́ющымся благоче́стию, делесы́ благи́ми. Жене́ же учи́ти не повелева́ю, ни владе́ти му́жем, но бы́ти в безмо́лвии. Ада́м бо пре́жде со́здан бысть, пото́м же Е́ва. И Ада́м не прельсти́ся, жена́ же прельсти́вшися, в преступле́нии бысть. Спасе́тся же чадоро́дия ра́ди, а́ще пребу́дет в ве́ре и любви́, и во святы́ни с целому́дрием.

Свяще́нник: Мир ти.

Чтец: И ду́хови твоему́.

Диакон: Премудрость.

Чтец: Аллилýия, пс. 15, глaс 4: Сохрани мя, Господи, яко на Тя уповах.

Стих: Благословлю Господа, вразумившаго мя.

Диа́кон: Прему́дрость, про́сти, услы́шим свята́го Ева́нгелия.

Свяще́нник: Мир всем.

Лик: И ду́хови твоему́.

Свяще́нник: От Матфея свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Диа́кон: Во́нмем.

Евангелие от Марка, от зачал 41 и 44

(Мк. 9, 36-37. 10, 13-16)

Во вре́мя о́но, прии́мь Иису́с отроча́, поста́ви е́ посреде́ ученик Своих, и объе́м е́, рече́ им: и́же а́ще еди́но таковы́х отроча́т прии́мет во и́мя Мое́, Мене́ прие́млет, и и́же Мене́ прие́млет, не Мене́ прие́млет, но Посла́вшаго Мя.

И приноша́ху к Нему́ де́ти, да ко́снется их, ученицы́ же преща́ху принося́щим. Ви́дев же Иису́с негодова́ и рече́ им: оста́вите дете́й приходи́ти ко Мне и не брани́те им, таце́х бо есть Ца́рствие Бо́жие. Ами́нь глаго́лю вам, и́же а́ще не прии́мет Ца́рствия Бо́жия я́ко отроча́, не и́мать вни́ти в не. И объе́м их, возло́жь ру́це на них, благословля́ше их.

Лик: Слава Тебе, Господи, слава Тебе.

И глаго́лет диа́кон ектению́:

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

На всякое прошение лик: Го́споди, поми́луй. (Три́жды.)

Еще́ мо́лимся о вели́ком господи́не и отце́ на́шем Святе́йшем Патриа́рхе Кири́лле, и о господи́не на́шем высокопреосвяще́ннейшем митрополи́те (или́: архиепи́скопе, или́: преосвяще́ннейшем епи́скопе, и́мярек) и о всей во Христе́ бра́тии на́шей.

Еще́ мо́лимся о богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Прилага́ет и сия́:

К Тебе, Господу и Творцу всяческих, припадаем и сердцем сокрушенным вопием: избави Отечество наше и вся люди Твоя от великаго сего нечестия, еже противу воли Твоея и естества человеческаго чада во утробе сущия умерщвляти, и возстави народ Твой во благочестии и умножи его на земли, молим Ти ся, Всесильне Царю, скоро услыши и помилуй.

Просвещаяй всякаго человека, грядущаго в мир, и согрешающих в разум истины приводяй, просвети благодатию Твоею сердца братий и сестер наших, и в разумение воли Твоея приведи, от греха чадоубийства отврати, в чадородии благослови, молим Ти ся, Всещедре Господи, скоро услыши и помилуй.

Храняй младенцы, Господи, Сына Твоего Единороднаго во искупление наше давый и от Чистыя Богоотроковицы и Приснодевы Марии вочеловечитися Тому благоволивый, сохрани жизни младенец, во чреве сущих, и благодатным заступлением Твоим от смерти, недуга и всякия пагубы, наипаче же от злаго произволения человеческаго огради их и к рождению предуготови, молим Ти ся, Отче щедрот и Боже всякаго утешения, скоро услыши и помилуй.

Апостольским словом повелевый нам друг друга тяготы носити и тако исполнити закон Христов, укрепи сродники и домочадцы жен, во чреве имущих, следовати правде Твоей, молим Ти ся, услыши и помилуй.

Не хотяй смерти грешных, но еже обратитися и живым им быти и благоугождати пред Тобою, умудри и врачи к почтению священного дара жизни, от Тебе низпосылаемаго, и да не обагрятся руки их пролитием неповинныя крове младенец Твоих, молим Ти ся, Спасителю мира, скоро услыши и помилуй.

Свяще́нник возглашáет:

Услы́ши ны, Бо́же, Спаси́телю наш, упова́ние всех конце́в земли́, и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны: Ми́лостив бо и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диа́кон: Го́споду помо́лимся.

Лик: Го́споди, поми́луй.

Свяще́нник глаго́лет моли́тву:

Владыко Господи Иисусе Христе Боже наш, сотворивый человека по образу Твоему и по подобию, мужеский пол и женский, и благословивый я и рекий: Раститеся и множитеся и наполните землю, и Псалмопевцем Твоим открывый, яко Сам еси устрояяй кости и вся внутренняя коегождо еще во чреве матери его, Иже и в вочеловечении Твоем от Духа Свята и Марии Приснодевы и Богородицы во утробу Ея вселивыйся и в человецех родитися благоволивый!

Призри на моление сие, ныне Тебе нами возносимое, и светом Твоего богоразумия просвети матери чревоносящия. Теплотою любве Твоея согрей сердца их еже возлюбити чада их и воспитати во славу Твою, возвеселитися же и видением внук и правнук своих. Огради их от помысл неверия, самолюбия, омрачения греховнаго и лукавыя боязни, да не внидет сердце их пагубное намерение погубити носимыя под сердцем младенцы!

Вразуми же и укрепи вся сродники и знаемыя их, наипаче же отцы чад, во чреве сущих, да не омрачатся сердца их малодушием и да не осквернятся уста их лукавым советованием детоубийства.

Страх Твой благий всади в сердца врачей и сохрани их от корыстолюбия, неверствия и жестосердия, а наипаче же от убиения нерожденных младенец.

Укрепи власти предержащия Отечества нашего к прекращению великаго сего нечестия убиения нерожденных младенец. Всем же в вере и благочестии подвизающимся благодатию Твоею благопоспеши и спасения венец нетленен уготови, да тако вси в тишине и благочестии поживше и Тебе благоугодивше, сподобимся части избранных в Тебе, Бозе и Спасителе нашем: Тебе бо честь и поклонение подобает с Собезначальным Твоим Отцем и со Пресвятым и Благим и Животворящим Твоим Духом, ныне и присно и во веки веков.

Лик: Ами́нь.

Диа́кон: Прему́дрость.

Свяще́нник: Пресвята́я Богоро́дице, спаси́ нас.

Лик: Честне́йшую Херуви́м, и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Свяще́нник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́, и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь. Го́споди, поми́луй. (Три́жды.) Благослови́.

Свяще́нник глаго́лет отпу́ст:

[И́же в верте́пе роди́выйся, и в я́слех возлеги́й, на́шего ра́ди Спасе́ния,] Христо́с, И́стинный Бог наш, моли́твами Пречи́стыя Своея́ Ма́тере, честнаго славнаго пророка Предтечи и Крестителя Иоанна, святых мучеников младенцев Вифлеемских и всех святы́х, поми́лует и спасе́т нас, яко Благ и Человеколю́бец.

Лик: Аминь. Го́споди, поми́луй. (Три́жды.)

Молебны против абортов анонсировали во всех храмах Томской и Хабаровской епархий, в главном храме Челябинской епархии — Симеоновском соборе, Волгоградской епархии — Александро-Невском кафедральном соборе. Молебны объявили и в оккупированном Донецке — во всех храмах Донецкой епархии.

Отдельные храмы уже отчитались о проведении службы. Например, в Ханты-Мансийском автономном округе молебен совершил настоятель храма святых апостолов Петра и Павла сельского поселения Салым иерей Алексий Константинов. В сообщении митрополии подчеркивается, что прихожанам раздали листовки, «посвященные христианскому отношению к материнству, а также духовным последствиям греха детоубийства».

Судя по фотографиям, на молебен принесли кукол, изображающих эмбрионы, а также флаги пролайф-движения «За жизнь». Оно предлагало помощь в проведении антиабортного молебна «в вашем храме».

«Для этого только нужно заранее договориться с настоятелем, написать объявление, пригласить прихожан. В проповеди после Литургии можно рассказать, как церковь относится к проблеме абортов, призвать людей к покаянию», — написали участники движения, приклепив ссылку на «Яндекс.Диск» с примерами молитв и наглядной агитации.

Те же флаги и куклы заметны на фотографиях с молебна в храме Сретения Господня города Рыбинска Ярославской области. Движение «За жизнь» использует для наглядной агитации американские модели эмбрионов Touch of Life (розничная цена в США колеблется в пределах $250-300).

Митрополит Тверской и Кашинский Амвросий в тверской церкви Рождества Христова перед тем, как служить молебен, рассказал прихожанам, что «каждый эмбрион с момента зачатия обладает ДНК и сердцебиением».

В Вологодской области протоирей Владимир Колосов из Казанского собора города Кириллова вспомнил в своей речи Владимира Ленина: «В этот день мы вспоминаем наших невинно убиенных детей, которые по неразумию, особенно в советсткое время, наши родители, наши неверующие родственники убивали. Первый декрет, который Ленин совершил — этот коммунист-безбожник, который люто ненавидел Россию — рашил убить русских детей, разрешить аборты. И кровь полилась».

Редактор: Дмитрий Ткачев